भांगरभूंय | प्रतिनिधी
पणजी : वागातोर कर्नाटकांतलो पर्यटक पडलो खोल बांयंत. सोर्याचे घुवळेंत आसतना तोल वचून तो सुमार ५० फूट खोल बांयंत पडलो. म्हापशें उजो पालोवपी दळाच्या जवानांनी ताचो जीव वाटयलो. बंगयउरुच्या ह्या पर्यटकाचें नांव केतन राज.
मेळिल्ले म्हायती प्रमाण, केतन राज आपल्या इश्टां वांगडा वागातोर वाठारांत भोंवपाक आयिल्लो. ह्या वेळार सोर्याचे घुवळेंत आसतना ताचो तोल वचून तो लागसारचेच खोल न्हंयेंत पडलो. हे घडणुकेची म्हायती मेळटांच म्हापशें उजो पालोवपी दळाच्या जवानांनी घडणुको सुवातेर येवन ताका वाटयलो.
उजो पालोवपी दळाच्या जवानांनी विशेश सामानाचे मजतीन बांयत देंवून पर्यटकाक सुरक्षीत भायर काडलो. ह्या रेस्न्यु ऑपरेशनांत जवानांनी शिटुकसाण आनी धाडस दाखोवन पर्यटकाचो जीव वाटयलो. उपरांत केतन राज हाका फुडल्या उपचारां खातीर लागींच्या हॉस्पिटलांत दाखल केला. ताची भलायकी सध्या बरी आसा अशी म्हायती मेळ्ळ्या.
हे घडणुकेक लागून ह्या वाठारांत कांय काळ बरोच बोवाळ निर्माण जालो. पर्यटकांनी सोरो पियेले उपरांत दर्यादेगांचेर, बांयो आनी हेर धोको निर्माण करपी सुवातांचेर वावुरतना जतनाय घेवपाचो उलो प्रशासनान मारलो.
#Goa #Vagator #GoaFireFighters #KonkaniNews #Well
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
