भांगरभूंय | प्रतिनिधी
सांखळे : सांखळेची नगराध्यक्ष सिद्धी प्रभू पोरोब हांणी आपल्या पदाचो राजिनामो दिला. हेर वांगड्यांकूय नगराध्यक्षपदाची संद मेळची, ह्या हेतान आपणें स्वताचे इत्सेन पदाचो त्याग केल्ल्याचें तिणें स्पश्ट केलें.
नगराध्यक्ष म्हणून काम करतना शाराचे उदरगती खातीर विवीध उपक्रम आनी प्रकल्प राबोवपाची संद मेळ्ळी. ह्या काळांत नागरिकांच्यो समस्या सोडोवपाक प्राधान्य दिवन उदरगतीचीं कामां करपाचो यत्न केल्ल्याचें तिणें सांगलें.
ह्या वेळा तिणें मुख्यमंत्री डॉ. प्रमोद सावंत हांच्या फाटबळा विशीं कृतज्ञता उक्तायली. मुख्यमंत्री आनी भाजपाचे संघटणेच्या सहकार्याक लागून नगराध्यक्ष म्हणून प्रभावीपणान काम करपाक मेळ्ळें आनी शाराचे उदरगती खातीर जायते निर्णय घेतले, हाचें समाधान आसा, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
