भांगरभूंय | प्रतिनिधी
लाहोर: पाकिस्तानांतल्या लाहोर शारांत मंगळारा सामकी दुर्देवी घडणक घडली. बांदकाम सुरू आशिल्ले इमारतींतल्या एका खाजगी शिकवणी केंद्राचें पांखें अचकीत कोसळिल्ल्यान १४ भुरग्यांक मरण आयलां. २० परस चड जाणां जखमी आसात. कांय भुरगीं आजूनय राशी पोंदा आडकून आसात. हाका लागून मरण आयिल्ल्यांचो आंकडो वाडपाची शक्यताय आसा.
ही घडणूक लाडोरांतल्या दाट लोकवस्तींच्या काहना नाऊ वाठारांत घडली. हे घडणुके वेळार सात ते १३ वर्सांचीं ३० परस चड भुरगीं अकादमींत शिकतालीं. अचकीत पांखें कोसळिल्ल्यान पुराय वर्ग राशी पोंदा गेलो. आतां मेरेन हे घडणुकेंत १४ जाणांक मरण आयिल्ल्याचें समजता. सध्या रेस्न्यू ऑपरेश चालू आसा. राशी पोंदा आनीक लोक आडकून उरिल्ल्याची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
