भांगरभूंय | प्रतिनिधी
पेडणें: मांद्रेंच्या दांडोसवाडो प्रभागांत निवासी प्रकल्पाक ग्रामस्थांनी खर विरोध केला. ३२ फ्लॅट प्रकल्पाचो परवानो रद्द करपाची मागणी ह्या वेळार नागरिकांनी केली.
ह्या वेळार एडवोकेट प्रसाद शहापूरकार, सुर्यकांत कलशांवकार, संजय नायक, सावळाराम कलशांवकार,उमेश कलशांवकार, रतिका उमेश कलशांवकार आनी हेर हाजीर आशिल्ले.
दांडोसवाडो- (वार्ड नं. ११) वाठारांत फुडाराक बंगले, फ्लॅट तशेंच हेर व्हड निवासी प्रकल्पांक परवानगी दिवची न्हय आनी सध्या मंजूर केल्ल्या ३२ फ्लॅटांच्या निवासी प्रकल्पाचो परवानो बेगोबेग रद्द करचो, अशी मागणी करीत दांडोसवाड्यावेल्या ग्रामस्थांनी व्हडा प्रमाणांत सयो मारून निवेदन सरपंच किरण सावंत तशेंच थळावे आमदार हांकां सादर केलें. ह्या विशया कडेन खरपणान लक्ष घालपाचें आस्वासन सरपंच सांवत हांणी दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
