भांगरभूंय | प्रतिनिधी
नवी दिल्ली: आतां मेरेन व्हॉट्सॲपाचेर नव्या मनशा कडेन उलोवपा खातीर मोबायल नंबर दिवप गरजेचें आशिल्लें. मात आतां अशें जावचें ना. मॅटाच्या मालकीच्या व्हॉट्सॲपान युझरनेम फिचर लॉंच करपाची घोशणा केल्या. ह्यान फुडें लोक आपलो मोबायल नंबर सांगिनासतना फकत युझरनेमा वरवीं चॅट करपाक शकतात.
कंपनीन २९ जून सावन संवसारभर युझरनेमाची बुकींग सुरू केल्या. मात, ही सुविधा सगल्या युझर्सांक एकाच वेळार मेळची ना. येवपी कांय म्हयन्यांत ते ल्हवल्हव सगल्या देशांनी रोल आवट करतले. जेन्ना हें फिचर युझरच्या वाठारांत तेन्ना तांकां व्हॉट्सॲपार नोटिफिकेशन मेळटलें.
बेगिनूच युझरनेम रिझर्व्ह करप कित्याक गरजेचें?
संवसारभर कोट्यांनी वापरकर्ते सारकेंच वा तश्याक तश्शें युझरनेम वापरपाक शकतात. अशे परिस्थितींत जे लोक पयलींच आपलें युझरनेम आरक्षित करतले तांकां तांचे आवडिचें युझरनेम मेळपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
