भांगरभूंय | प्रतिनिधी
पैंगीण : काणकोणच्या श्रीस्थळ ग्रामपंचायतीच्या गवळीवाड्यावेल्या एका घराच्या व्हरांड्यांत बिबटो पाविल्ल्यान हांगा सगल्याक भंयाचें वातावरण पातळ्ळां. सीसीटीव्ही फुटेजींत बिबटो घराच्या व्हरांड्यांत वतना दिसता. आंगणांत तशेंच शाळेच्या वाठारांतूय बिबटो भोंवतना दिसता.
श्रीस्थळचे सरपंच शिवराज देशमुख हांणी सांगलें, सीसीटीव्ही फुटेजींत बिबट्या घराच्या व्हरांड्यांत, आंगणात आनी शाळेच्या वाठारांत भोंवतना दिसता. बिबटो फाटल्या तीन-चार दिसां सावन रातच्या वेळार घरांच्या वाठारांनी आनी गवळीवाडो वाठारांत भुरगीं खेळटना सांजेवेळारूय तो दिसता.
ह्या वाठारात हाका लागून भंय पातळ्ळा. वडामळ ते श्री मल्लिकार्जुन देवळा कडेन वचपी रस्त्या लागसार हीं घरां आसात.
देशमुख हांणी सांगलें, रान विभागाक पयलीं म्हायती दिल्या. बिबट्याक प्राधान्यान त्या भागांतल्यान दुसरे कडेन हालोवपाक लायला. बिबटो सुमार तीन वर्सांचो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
