भांगरभूंय | प्रतिनिधी
वास्को : वोड्डांत वाठारांत एक व्हड खडप प्रमोदिनी नायक हांच्या घराचेर पडिल्ल्यान लुकसाण जालां. हे घडणुकेंत कोणाक कांय जावंक ना. घडणुकेची म्हायती मेळटांच उजो पालोवपी दळाचे अधिकारी घडणुके सुवातेर दाखल जाले आनी गरजेच्या सुरक्षिततायेचे उपाय केले. हे घडणुकेक लागून ह्या वाठारांतल्या लोकां मदीं भंयाचें वातावरण निर्माण जालां.
मजगतीं, कॉंग्रेस पक्षाचे वास्कोचे फुडारी तशेंच प्रभाग नगरसेवक नंदादीप राऊत हांणी सांगलें, वोड्डांत वाठारांत दोंगरा लागसार राखणे वणत उबारपाची आमी मागणी केल्ली. जायते फावटीं लेखी निवेदनय दिल्लें. मात ताचे कडेन सगल्यांनी आडनदर केली.
राऊत हांणी आरोप केलो की, थळाव्या नागरिकांच्या सुरक्षे सारख्या गंभीर प्रस्नां कडेन सरकाराची आडनदर जाता. नागरिकांचे जिणेक धोको निर्माण करपी समस्यां कडेन बेगोबेग लक्ष दिवन गरजेचे संरक्षणात्मक उपाय करचे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
