विधानसभा वेंचणूक प्रक्रिया: पूर्वतयारेचो नियाळ

भांगरभूंय | प्रतिनिधी

जिल्होधिकारी एग्ना क्लिटस हांणी घेतली बसका

मडगांव: येता ते विधानसभा वेंचणुकेचे फाटभुंयेर कुशावती, दक्षीण गोंय जिल्ह्यांतली वेंचणूक प्रक्रिया सुरळीत जावपा खातीर वेंचणूक वेवस्थापनाचो जिल्होधिकाऱ्यां कडल्यान नियाळ घेतलो. तशेंच विवीध कामांच्या वेवस्थापना खातीर नोडल अधिकाऱ्यांची नेमणूक केल्या.

गोंय विधानसभा वेंचणूक 2027चे फाटभुंयेर दक्षीण गोंय जिल्होधिकारी एग्ना क्लिटस (आयएएस) हांच्या अध्यक्षताये खाला नियाळ बसका जाली. हे बसकेंत दक्षीण गोंय आनी कुशावती जिल्ह्यांतली वेंचणूक प्रक्रिया सुरळीत आनी पारदर्शकपणान जावची हे खातील वेंचणूक वेवस्थापन येवजणेची विस्तारान म्हायती आनी नियाळ घेतलो.

भारतीय वेंचणूक आयोगाच्या मार्गदर्शक सुचोवण्यां प्रमाण सगल्या संबंदीत विभागांनी प्रभावी समन्वय सादप आनी वेंचणूक विशयक उपक्रम वेळार पुराय करप हे खातीर बसकेंत सुचोवण्यो केल्यो. हे बसकेंत वेंचणुके मजगतीं कायदो आनी सुवेवस्था, ईव्हीएम वेवस्थापन, मनीसबळ नियोजन, प्रशिक्षण, मतदान साहित्य वेवस्थापन, स्वीप उपक्रम, येरादारी वेवस्था, माध्यम नियंत्रण, आयटी उपक्रम, वैजकी सुविधा आनी वेंचणूक खर्च नियंत्रण ह्या सारक्या विवीध म्हत्वाच्या गजालींचेर चर्चा केली.

वेंचणूक प्रक्रिया अदीक सुलभ करपा खातीर जिल्हो प्रशासनान नोडल आनी सहाय्यक नोडल अधिकाऱ्यांची नेमणूक केल्या. कायदो आनी सुवेवस्था आनी व्हल्नेरेबिलिटी मॅपिंगा खातीर नोडल अधिकारी श्रीनेत कोठावळे, ईव्हीएम वेवस्थापना खातीर नोडल अधिकारी मॅन्युएल बार्रेटो जाल्यार सहाय्यक नोडल अधिकारी योगिनी आचार्य आसतल्यो. मनीसबळ वेवस्थापन आनी मतदान केंद्रां वेल्या सुविधां खातीर नोडल अधिकारी जॉन्सन फर्नांडीस जाल्यार सहाय्यक नोडल अधिकारी सम्राट नायक गांवकार, प्रशिक्षण वेवस्थापन नोडल अधिकारी म्हूण डॉ. निलेश बी. फळदेसाय, साहित्य वेवस्थापन नोडल अधिकारी प्रशांत शिरोडकार जाल्यार सहाय्यक नोडल अधिकारी विपूल नायक गांवकार, स्वीप उपक्रम नोडल अधिकारी दिपाली नायक, सहाय्यक नोडल अधिकारी राधिका प्रभुदेसाय, आचारसंहिता आनी कागाळ निवारण नोडल अधिकारी विशाल कुंडयकर, दळणवळण आनी जिल्हो वेंचणूक वेवस्थापन येवजण नोडल अधिकारी प्रितीदास गांवकार, पोस्ट मतपत्रिका, मतपत्रिका आनी स्थलांतरीत मतदार संपर्क म्हूण नोडल अधिकारी अभीर हेदे, सहाय्यक नोडल अधिकारी सिद्धेश केरकार, माध्यम प्रमाणन आनी नियंत्रण समिती नोडल अधिकारी आल्वीन परेरा जाल्यार सहाय्यक नोडल अधिकारीपदार शांतो नायक आनी सिद्धेश एस. सामंत हांची नेमणूक केल्या. निरिक्षक चेक लिस्ट वेवस्थापन नोडल अधिकारी दिपेश प्रियोळकार, सहाय्यक नोडल अधिकारी अभिजीत जांभळे, म्हायती तंत्रज्ञान आनी तंत्रज्ञान वापर नोडल अधिकारी हर्षद पवार, सहाय्यक नोडल अधिकारी राजेश पेडणेंकार, एल्ड्रिडा क्रास्टो आनी अमोघ संझगिरी हांची नेमणूक केल्या.

मतदार वळेरी नोडल अधिकारी स्नेहल प्रभू, स्ट्राँग रूम, मतमेजणी आनी निकाल घोशणा नोडल अधिकारी जुवांव फर्नांडीस, सहाय्यक नोडल अधिकारी विनोद जांबावलीकार, ईव्हीएम रँडमायझेशन आनी कर्मचारी नेमणूक नोडल अधिकारी लेक्स कुरियन जाल्यार सहाय्यक नोडल अधिकारी अभिषेक पराशर आनी चंदर मोहन असतले.

वैजकी सुविधा नोडल अधिकारी डॉ. राजेंद्र बोरकार, सहाय्यक नोडल अधिकारी डॉ. जयश्री मडकयकार. दिव्यांग कल्याण आनी सुलभ वेंचणूक नोडल अधिकारी डॉ. बालाजी सुदास शेणवी, सहाय्यक नोडल अधिकारी प्रज्ञा देसाय असतल्यो.

येरादारी वेवस्थापन नोडल अधिकारी रोशेल फर्नांडीस, सहाय्यक नोडल अधिकारी अमीत एन. सावंत. वेंचणूक खर्च नियंत्रण नोडल अधिकारी मनोज पवार असतले. जिल्होधिकारी एग्ना क्लिटस हांणी सगल्या अधिकाऱ्यांक आपापल्या विभागां कडेन ताकतिकेन समन्वय सादून गरजेची पूर्वतयारी वेळार पुराय करपाचे निदेश दिल्यात.