भांगरभूंय | प्रतिनिधी
पुणे: सगल्यांचें लक्ष लागून आशिल्ल्या नसरापूर प्रकरणाचो आयज २९ जुनाक पुणे सत्र न्यायालयान निकाल दिलो. आरोपी भीमराव कांबळेक मरसर फाशीची ख्यास्त आयकयल्या. १ मेक पुण्यातल्या नसरापुराक ६५ वर्सां पिरायेच्या भिमराव कांबळेन ३ वर्सां पिरायेच्या सानुल्याचेर अत्त्याचार करून तिचो खून केल्लो. ह्या प्रकरणा उपरांत सगल्या तिडकीचें वातावरण आशिल्लें. आरोपीक खर ख्यास्त जावची, अशी मागणी सगल्या मळांचेर जाताली. ह्या प्रकरणांत सरकारान एसआयटी स्थापन करून प्रकरण फास्टट्रॅक कोर्टार्ंत चलोवपाचें आस्वासन दिल्लें. उपरांत मे म्हयन्यांत ह्या प्रकरणाची सुनावणी सुरू जाल्-ी. वट्ट ५९ दिसांनी ह्या प्रकरणाची सुनावणी जाली. कोर्टान भिमरावाक फाशीची ख्यास्त आयकयल्या.
ही ख्यास्त आयकयना फुडें पिडेस्त चलयेचे आवय-बापायक रडपाक आयलें. पिडसेताच्या पालकांनी कोर्टाच्या निकालाचेर प्रतिक्रिया दितना म्हणलें, सरकारा कडल्यान आमकां ज्यो अपेक्षा आशिल्ल्यो त्यो पुराय जाल्ल्यान आमी आतां समाधानी आसात. पुलीस आनी वकिलांचीं आमी उपकारी. मुख्यमंत्र्यांनी जें आस्वासन दिल्लें तें पुराय जातना दिसता. सगल्यांनी कायद्याचेर विस्वास दवरचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
