भांगरभूंय | प्रतिनिधी
पणजी : पावस सुरू जाताच पर्यटकांचीं पावलां घसघश्यां वटेन वळटात. मात ह्या घसघश्यांचेर वतना सध्या जतनाय घेवन वचपाची गरज आसा. आयतारा विर्डी-दोडामार्गच्या वझरा सकला घसघश्यार आसतना न्हंयेच्या उदकाची पातळी वाडिल्ल्यान सांखळेचे स तरणाटे रानांत आडकून उरलेे. उपरांत थळावे लोक, उजो पालोवपी दळाच्या कर्मचार्यांनी येवन तांची सुटका केली.
हे विशीं चड म्हायती प्रमाण सांखळेचे स तरणाटे विर्डी-दोडामार्गच्या वझरा सकला घसघश्याचेर भोंवपा खातीर पावले. दनपरां घसघश्याचेर वतना थंयचे न्हंयची पातळी सामकी उणी आशिल्ली. म्हणून मुखार घसघश्याचे दिकेन गेले. घसघश्याचो अणभव घेतले उपरांत ते घरा परततना अचकीत हांगचे न्हंयेच्या उदकाचे पातळेंत वाड जाल्ल्यान ते सगळे रानांत आडकून उरले. तांणी ह्या वेळार आपले परिस्थितीचो व्हिडियोय काडलो. उपरांत थळावे आनी उजो पालोवपी दळाच्या जवानांनी धांव घेवन रेस्न्यु ऑपरेशन राबयलें. आडकल्ल्या त्या सय तरणाट्यांची तांणी थंयच्यान सुटका केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
