भांगरभूंय | प्रतिनिधी
येजमान सां पेद्रो पंगडान सर्गेस्त मान्युएल रॉड्रिगीश यादस्तीक पेडणें तालुको फुटबॉल सर्तीचें वस्तादपण जोडलें. ताणें टायब्रेकरांत ध्रुव पार्सें पंगडाक हारयलो.
फायनल हरमल चर्च मैदानाचेर जाली. सर्तींत 22 पंगडांनी वांटो घेतिल्लो. वैयक्तीक गटांत अत्कृश्ठ खेळगडो म्हणून अमीत साळगांवकाराची (पार्सें), उत्कृश्ट डिफॅण्डर फ्रॅंकलीन (सां पेद्रो), उत्कृश्ट गोलकीपर कॅवीन (हरमल), मॅन ऑफ द मॅच म्यॅनुएल (हरमल) हांची निवड जाली. शिस्तीचो पंगड म्हणून पालयें फुटबॉल क्लबाक पुरस्कार फावो जालो.
इनामां भेटवण सुवाळ्याक मुखेल सोयरे म्हणून कामुर्ली चर्चीचे फा. रोमन फर्नांडीस, खाशेली निमंत्रीत म्हणून अॅड. सिद्धी जीत आरोलकार, फा. लीन फर्नांडीस, पंच सांतान फर्नांडीस, गुणाजी ठाकूर, बर्नार्ड फर्नांडीस, आदले पंच बाबुश फर्नांडीस, एलिसीन रॉड्रिगीश, धानयाल रॉड्रिगीश, जुझे रॉड्रिगीश, आतू मारियान, सिस्टर लुईझ हीं उपस्थीत आशिल्लीं.
आयरीश डिसोझान सुत्रसंचालन आनी उपकाराचें उलोवप केलें. सर्त येसस्वी करपी ज्युलियन फर्नांडीस, लॉरेन्स डिसोझा, अमीत फर्नांडीस हांकां यादस्तीक भेटयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
