भांगरभूंय | प्रतिनिधी
एफसी गोवाच्या युवा पंगडान अणभवी सुनील छेत्रीच्या फुडारपणाखाला खेळपी बंगळुरू एफसीक अ गटांतले उमळशीक वाडोवपी मॅचींत 2-2 असो बरोबरींत आडायलो. पूण, तरी आसतना ड्युरांड करंड फुटबॉल सर्तींतलें ताचें आव्हान सोंपलें. एफसी गोवा वतीन फ्रांगकी बुआमान 53व्या मिनटाक आनी लॅस्ली रिबेलोन 64व्या मिनटाक गोल केलो.
ते पयलीं बंगळुरू एफसीन सुनील छेत्रीन 24व्या मिनटाक आनी एन शिवा शक्तीन 26व्या मिनटाक गोल केल्लो.
एफसी गोवान चार गुणां सयत ड्युरांक करंड फुटबॉल सर्तीक आदेवश केलो. जाल्यार बंगळुरू एफसीचे तीन मॅचींतल्यान सात गूण आसात. बंगळुरू एफसी 2 सप्टेंबराक मोहम्मडन स्पोर्टिंगा आड खेळटलो. हे मॅची उपरांत अ गटांतल्या जैतिवंताचो निर्णय जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
