भांगरभूंय | प्रतिनिधी
वेर्णा: आयतारा दनपरां वेर्णाच्या ब्ल्यूबॅरी वाठारा लागसार महिंद्रा थार, ह्युंडाय क्रॅटा आनी ज्युपिटर स्कुटरी मदीं अपघात जालो. हातूं एक दुचाकी चालक गंभीर जखमी जाला. सध्या तो हॉस्पिटलांत आसा. वेगान थार चलयतना चालकाचें गाडयेवेलें नियंत्रण सुटिल्ल्याचें मुळाव्या तपासांतल्यान मुखार आयलां.
मुळावे म्हायती प्रमाण, एक महिंद्रा थार कार वेर्णाच्या दिकेन सामकी वेगान वताली. ब्ल्युबॅरी वाठारात पावतांच चालकाचें गाडयेवेलें नियंत्रण वचून ती सरळ एके ह्युंडाय क्रॅटा गाडयेक वचून आदळ्ळी. हो धपको बरोच नेटान आशिल्लो. क्रॅटाक धपको दिले उपरांत थार गाडी डिवायडर हुपूर सरळ दुसरे लेनींत पावली. त्याच वेळार मुखारच्यान येवपी दुचाकीक ारीन धपको दिलो.
उपरांत दुचाकी थारिच्या पोंदा आयली. ह्या धपक्याच्या नेटान तिनूय वाहनां रस्त्या कुशीक घश्टत गेलीं. हातूंत दुचाकीचो चुरो जाला. दुचाकीक चालकाक गंभीर अवस्थेंत हॉस्टिपलांत व्हेला.
हे घडणुकेची म्हायती मेळटांच वेर्णा पुलिसांनी घडणुके सुवातेर वचून पळोवणी केली. पुलिसांनी ह्या अपघाताची नोंद केल्या. हो अपघात नेमको कसो जालो हाचो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
