भांगरभूंय | प्रतिनिधी
मुंबय: मुहर्रम मिरवणुकीचेर विखारी कॅप्सुल्स वापरून व्हडलो घातपात घडोवन हाडपाचो कट मुंबय पुलिसांनी शुक्रारा उक्तडार हाडलो. पुलिसांनी फैयाज प्रेमजी नांवाच्या एका दुबाविताक ताब्यांत घेवन ताचे कडलयन १४,९०० विधारी कॅप्सुलां जप्त केल्यांत.
हे विशीं मेळिल्ले चड म्हायती प्रमाण, फैयाज प्रेमजी हो मुळचो पुण्याच्या विमान नगर भागांतलो आशिल्लो आनी थंय तो रंग विकता. तो मुंबयच्या डोंगरी भागांतल्या एका गेस्ट हावज आनी डॉर्मिटरींत रावतालो. जे. जे. आनी भायखळा भागांतल्यान वचपी मुहर्रम मिरवणुकेक लक्ष्य करपाचो ताचो बेत आशिल्लो. ताचे पयलीं ताका धरलो.
तपासांतली धक्को दिवपी म्हायती
पुलिसांनी तपासांत सोदून काडलें, आरोपीन ५० किलो ’झिंक फॉस्फायड’ (उंदरांचें वीख) विकत घेतिल्लें. तो आपल्या घरांत बसून कॅप्सुल्सांनी तें भरतालो. दरेका कॅप्सुलांत सुमार १ ग्रॅम झिंक फॉस्फायड आशिल्लें. ताका सुमार ३०,००० कॅप्सुल्स तयार करायचीं आशिल्लीं, पूण पुलिसांनी ताचे पयलींच ताका अटक केली. फांतोडेर चारांक सुमार एक व्यक्ती अस्वस्थ जाल्ल्याचें दिसलें. तेन्ना तिका हाॅस्पिटलांत व्हरतना तो झिंक फाॅस्फायडाक लागून अस्वस्थ जालां तें कळ्ळें. मागीर हो प्रकार उक्तडार आयलो.
फैय्याजाची भयण इराणांत दोतोर आसा. आवयूय थंय आसा. तो परत परत थंय वतालो. ताचे फाटल्यान आनीक कितें कारण आसा काय, हाचो सोद पुलीस घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
