भांगरभूंय | प्रतिनिधी
पणजी : गोंयच्या रस्ते अपघातांचें सत्र चालूच आसा. आयतारा २८ जुनाक सकाळच्या सत्रांत काणकोण वाठारांतल्या तळपण हांगा मनोहर पर्रीकर बायपास महामार्गार एके गाडयेच्या भिरांकूळ अपघातांत एकलो सोपलो. जाल्यार गाडयेंत आशिल्ल्या दुसर्याक दुखापत जाल्या.
हे विशीं चड म्हायती प्रमाण, मडगांवच्या कारवारा वेगान वचपी एका गाडी चालकाचें गाडयेवेलें नियंत्रण सुटिल्ल्यान हो अपघात जालो. गाडयेवेल्यान ताबो सुटून गाडी रस्त्यावेल्यान सुमार १५ मिटर अंतराचेर आशिल्ल्या शेतांत वचून कोसळ्ळी. ह्या अपघातांत गाडयेंत आशिल्ल्या दोगां मदलो एकलो गाडयेंतूच आडकून उरलो आनी ताका जाग्यारूच मरण आयलें. जाल्यार दुसर्यान वेळार गाडये भायर येवन आपलो जीव वाटयलो.
ह्या अपघाताची म्हायती मेळटांच पुलिसां रोखडीच घडणुके सुवातेर धांव घेतली. जखमीक उपचारा खातीर हॉस्पिटलांत दाखल केलो. ह्या अपघातांत गाडयेचें बरेंच लुकसाण जालां. पुलीस ह्या प्रकरणाचो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
