भांगरभूंय | प्रतिनिधी
तुमच्या घरांत नॉनस्टीक आयदणां वापरतात जाल्यार जतनाय घेयात. नॉनस्टीक आयदणां तयार करतना तातूंत मायक्रोप्लास्टीक आनी धोकादायक रसायनां वापर करतात. नॉनस्टीक आयदणांत तयार केल्लें जेवण विखा परस उणें ना असो अहवाल आंतरराष्ट्रीय संघटनेन उजवाडायला. आधुनीक जिणे पद्दतींत रांदचे कुडींत जायते बदल जाल्यात. हे बदल मुखेलपणान रांदपाच्या आयदणांतल्या बदलाक लागून जातात. तांबें आनी पितुळेचीं आयदणां जाग्यार आतां तिख्याचीं आयदणां वापरतात. ते भायर रांदिल्लें जेवण करपुचें न्हय म्हणून लोक नॉनस्टीक आयदणां वापरपाक लागल्यात.
नॉनस्टीक आयदणांनी रांदिल्लें जेवण करप नाशिल्ल्यान आतां रांदचे कुडींत अशीं आयदणां वाडल्यात. पूण आतां हीं नॉनस्टीक आयदणां वापरपाचे गंभीर दुश्परिणामय मुखार येवपाक लागल्यात. एका अभ्यासांत नॉनस्टीक आयदणांत विखारी पदार्थ आसतात अशें सांगलां. नॉनस्टीक आयदणां तापयल्यार तांचेर आशिल्लो लेयर ल्हव ल्हव पातळ जायत वता आनी चमचो आयदणांचेर घासल्यार झरे पडून तांचो लेयर वचपाक लागता. झर्यांक लागून आयदणांच्या लेयरांतलें मायक्रोप्लास्टीक जेवणांचे मिसळटा. हें मायक्रोप्लास्टीक मनशा खातीर विखा परस उणेंन्हय. जेन्ना नॉनस्टीकक आयदणां तापयतात तेन्ना तातूंतल्यान पीएफओ नांवाचे विखारी घटक भायर सरतात.
नॉनस्टीक आयदनांचो सेगीत वापर करप म्हणल्यार वेगवेगळ्या रोगांक आपोवपा सारकें. नॉनस्टीक आयदणां सेगीत वापरल्यार जायते रोग जावंक शकतात अशें जाणकार सांगतात. संशोधनांतल्यान नॉनस्टीक आयदणां वापरप भलायकेक वायट असो निश्कर्श काडिल्ल्यान तज्ञ सामान्य लोकांक परतून पारंपारीक आयदणां वापरपाचो सल्लो दितात. बाबतींत मातयेचीं आयदणां चड उपेगी पडटात असो दावो केला.
मनीस दिसाक दोन जेवणां जेवपाक खूब कश्ट घेता. पूण हें जेवण ज्या आयदणांत शिजयता तें आयदण जेवणांत विखारी पदार्थ घालता जाल्यार तें गंभीर थारतलें. देखून परतून तांबें, पितूळ आनी ऍल्युमिनियमाचीं आयदणां वापरपाक वयचें पडटलें अशें दिसता. हालींच्या एका अभ्यासांत नॉनस्टीक आयदणां वापरतना जतनाय घेवप गरजेचें अशें दिसून आयलां. कारण, जशीं जशीं हीं आयदणां गरम जातात तशीं तशीं तांचेर आशिल्लो लेयर ल्हव ल्हव काडटा. भलायकेची गंभीर समस्या निर्माण जावचे पयलीं तुमचीं आयणां बदलात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
