भांगरभूंय | प्रतिनिधी
गुडी पाड्डेंच्या दामोदर उच्च माध्यमीक स्कुलान खेळां आनी युवा वेव्हार खात्यान आयोजीत केल्ले 19 वर्सां पिराये सकयले चल्यांच्या झोन चार फुटबॉल सर्तीचें वस्तादपण जोडलें.
फायनलींत ताणें कुडचडेंच्या गार्डियन अॅंजल उच्च माध्यमीक विद्यालयाक 3-0 अशा गोल फरकांनी हारयलें. फायनल कुडचडेंच्या पंटेमळ फुटबॉल मैदानाचेर जाली. सर्तींत उत्कृश्ठ खेळ केल्ल्या लिक्सन रिबेलोन दामोदर उच्च माध्यमिका वतीन दोन गोल केले. एक गोल ओंकार गांवकारान केलो.
पंगडाक खेळां शिक्षक जयकृष्ण नायक देसाय आनी लक्ष्मण प्रभुदेसाय हांचें प्रशिक्षण आनी मार्गदर्शन लाबलें.
आंतर विभाग फुटबॉल सर्तींत दामोदर उच्च माध्यमीक स्कूल झोन चाराचें प्रतिनिधित्व करतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
