भांगरभूंय | प्रतिनिधी
मडगांव : कोकण रेल्वे मार्गावेल्या प्रवाशांची वाडपी गर्दी लक्षांत घेवन रेल्वे प्रशासनान मुंबय छत्रपती शिवाजी महाराज टर्मिनस ते करमळी मजगतीं विशेश ट्रेन चलोवपाचो निर्णय घेतला. हाका लोगून काणकोणा वचप्यांचो प्रवास आनीक बरो जातलो.
गाडयेचें वेळापत्रक
मुंबय सीएसएमटी ते करमळी (गाडी नंबर ०११२९):
ही ट्रेन शुक्रार, २६ जुनाक मध्यानरातीं ००:२० वरांचेर मुंबय सीएसएमटीच्यान सुट्टली. त्याच दिसा दनपरां १४:४० वरांचेर करमळे पावतली.
करमळी ते मुंबई सीएसएमटी (गाडी नंबर ०११३० – परतीचो प्रवास):
ही परतीची ट्रेन आयतारा, २८ जुनाक सांजेवेळार १६:३० वरांचेर करमळच्यान सुट्टली. दुसर्या दिसा सकाळीं ०५:२५ वरांचेर मुंबय सीएसएमटी हांगा पावतली.
ही २० डब्यांची विशेश गाडी दादर, ठाणे, पनवेल, पेण, रोहा, माणगाव, वीर, खेड, चिपळूण, सावर्डा, आरवली रोड, संगमेश्वर रोड, रत्नागिरी, आडवली, विलावडे, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड आनी थिये स्टेशनार रावतली. गाडयांच्या सविस्तर वेळापत्रका खातीर प्रवाशांनी रेल्वेचे अधिकृत वेबसायटीक भेट दिवची असो उलो प्रशासनान मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
