भांगरभूंय | प्रतिनिधी
मुंबय: मुंबय पुलिसांच्या नियंत्रण कक्षाक बॉम्बस्फोटाचे धमकेचो फोन आयिल्ल्यान सुरक्षा यंत्रणां सतर्क जाल्यांत. मध्यानरातीं सुमार २ वरांचेर अनवळखी मनशान दिल्ली पुलिसांच्या नियंत्रण कक्षाक फोन करून मुंबय आयज बॉम्बस्फोट करतले असो दावो केलो आनी उपरांत रोखडोच फोन कट केलो.
दिल्ली कंट्रोल रूमाक आयिल्लो फोन
हे विशीं मेळिल्ले म्हायती प्रमाण, मध्यानरातीं सुमार २ वरांचेर एका अनवळखी मनशान सरळ दिल्ली पुलिसांच्या नियंत्रण कक्षाक फोन केल्लो. ह्या मनशान आयज मुंबय व्हड बॉम्ब ब्लास्ट करतले, अशें फकत एकूच वाक्य सांगलें आनी रोखडोच फोन कट केलो. अशी म्हायती सुत्रांनी दिल्या. ह्या प्रकरणाची खराय वळखून दिल्ली पुलिसांनी बेगोबेग महाराष्ट्र पुलीस आनी मुंबय पुलिसांच्या नियंत्रण कक्षा कडेन संपर्क केलो आनी तांकां धोक्याची कल्पना दिली.
आरोपीचो फोन बंद, सोद मोहीम सुरू
दिल्ली पुलिसां वतीन म्हायती मेळटांच मुंबय पुलिसांनी त्या अनवळखी मनशाच्या फोन नंबराचेर संपर्क करपाचो यत्न केलो. मात त्या मनशाचो फोन सेगीत बंद येता. हो फोन कोणें आनी खंयच्यान केल्लो हाचो सोद आतां पुलिसांची सायबर टीम आनी गुन्यांव फांटो झुजा पांवड्यार घेता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
