भांगरभूंय | प्रतिनिधी
मडगांव : कोलवाच्या मुखेल रस्त्यार बिरेस्तारा वादळ-वार्या वांगडा आयिल्ल्या पावसाक लागून एक माड अचकीत हुमटून चलपी गाडयेचेर पडलो. हे घडणुकेंत गाडयेचें लुकसाण जालें.
कोलवा रस्त्यावेल्या ऍक्सिस बँके सामकारच्या मुखेल मार्गावेल्यान एक गाडी वतना हो माड अचकीत रस्त्यार पडलो. माड सरळ चलपी गाडयेच्या टॉपार पडिल्ल्यान गाडयेच्या वयल्या भागाचें लुकसाण जालां. झाड पडलें तेन्ना गाडयेंत प्रवासी आशिल्ले. मात कोणाकूच कांयच जावंक ना.
ह्या अपघाता उपरांत कोलवा मुखेल रस्त्यावेली येरादाी पुरायेन विस्कळीत जाल्ली. हाका लागून प्रशासनाक एके वटेनची येरादारी कांय काळा खातीर आडोवची पडली. हे घडणुकेची म्हायती मेळटांच येरादारी पुलीस घडणुके सुवातेर पावले. उजो पालोवपी दळाच्या जवानांनी दनपार मेरेन रस्त्यावेलो माड कापून कुशीक केलो. उपरांत ह्या मर्गावेली येरादारी परत सुरळीत जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
