भांगरभूंय | प्रतिनिधी
कराकस: व्हेनेझुएलाक बुधवारा सांजेवेळार, म्हळ्यार भारतीय वेळे प्रमाण बिरेस्तारा सकाळीं दोन भिरांकूळ भुंयकांप जाले. अमेरिकन जिओलॉजिकल सर्वे (USGS) प्रमाण, हातूंत १०,००० परस चड लोकांक मरण आयिल्ल्याची ४४% आनी १,००,००० परस चड मरण पाविल्ल्याची ३०% शक्यताय आसा.
पयलो भुंयकांप ७.२ खर आशिल्लो. ताचें केंद्र राजधानी कराकसपसून सुमार १६० किमी पश्चीमेक जमिनी सकयल १३ किमी आशिल्लें. कांय सेकंदां उपरांत ७.५ खर दुसरो भुंयकांप आयलो. ताचें केंद्र मोरोन शाराच्या नैऋत्येक जमनी सकयल १० किमी आशिल्ले.
कराकस सयत खुबश्या भागांनी इमारती आनी घरांचें लुकसाण जालें. थळाव्या माध्यमां प्रमाण, कराकस विमानतळाच्या पांख्याचो कांय भाग कोसळ्ळो. हाका लागून व्हड लोट उसळिल्लो दिसलो.
हो फाटल्या १२६ वर्सांतलो सगळ्यांत व्हड भुंयकांप आसा. ह्यान पयलीं १९०० वर्सा ७.७ खरायेचो भुंयकांप आयिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
