भांगरभूंय | प्रतिनिधी
बळ्ळारी: सरकारी अधिकार्यांची आडनदर आशिल्ल्यान बळ्ळारी- कर्नाटकांतल्या शेतकारांनी एक म्हत्त्वाचो निर्णय घेतलो. शेतां कडेन वचपा खातीर आशिल्लो 3.5 किमी लांबायेचो सर्व्हिस रस्तो दुरुस्त करपाक तांणी 3 लाख रुपयांचो निधी एकठांय केलो. सुमार 500 एकर शेती पिकोवपी ह्या शेतकारां खातीर हो रस्तो खूब म्हत्त्वाचो आसा. रस्त्यार फोंडकुला पडिल्ल्यान यो- वच करप सामकेंच कठीण जाल्लें.
शेतकारांनी केलो वावर
सुमार 150 शेतकारांनी एकठांय येवन दर एकरा फाटल्यान 2000 रुपया वर्गणी जमा केली. ह्या पयशांतल्यान तांणी ट्रॅक्टर, जेसीबी आनी खडी हाडून रस्तो दुरुस्त केलो. सरकारी अधिकारी आनी लोकप्रतिनिधींक बरेच खेपे सांगून, अर्ज करूनय तांणी आडनदर केल्ल्यान निमाणो शेतकारांनी स्वताच रस्तो दुरुस्त केलो.
मुखेल समस्या
अपघातांचो भंय: रस्त्यार व्हड फोंडकुला पडिल्ल्यान जायते अपघात जाले आनी शेतकरी जखमी जाले.
सेगीत लुकसाण: तीन वर्सां आदींय शेतकारांनी स्वता पयशे एकठांय करून हो रस्तो दुरुस्त केल्लो, पूण गेल्या वर्सांच्या पावसान तो परत इबाडिल्लो.
उदक रस्त्यार: लोकेश ह्या शेतकऱ्याच्या म्हणण्या प्रमाण, कानालाचें उदक दरवर्सा रस्त्यार येता, देखून रस्तो परत व्हांवून वता.
कायम स्वरूपी उपाय करपाची मागणी
कोणाचीच मजत नाशिल्ल्यान दर वर्सा आमकां शेतकऱ्यांकूच रस्तो दुरुस्त करचो पडटा अशें लोकेश हांणी सांगलें. दर 2- 3 वर्सांनी हीच परिस्थिती निर्माण जावची न्हय, म्हणून आतां हो रस्तो सिमेंट काँक्रीटचो करचो अशी मागणी शेतकारांनी प्रशासना कडेन केल्या. प्रशासनान आतां तरी जागे जावन कायमस्वरूपी उपाय करचो अशी अपेक्षा शेतकारांनी उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
