भांगरभूंय | प्रतिनिधी
उजो पालोवपी दळाचे जवान लोकांक वाटोवपाचो करतात यत्न
लखनौ: लखनौच्या अलीगंज वाठारांतल्या तीन माळयेच्या इमारतींत सोमारा दनपारां उजो लागलो. इमारतीचे दुसरे माळयेर एके कोचींग क्लासींत विद्यार्थी भितर आडकून उरले. एक विद्यार्थ्यान आपलो जीव वाटावपाक पयले माळयेवेल्यान उडी मारली, पूण सकयल धातूच्या ग्रिलाचेर पडून तो गंभीर जखमी जालो.
घडणुके सुवातेर उजो पालोवपी दळाच्यो सुमार १० गाडयो दाखल जाल्यात. उजो पालोवपा खातीर हायड्रॉलिक प्लॅटफॉर्मचो वापर करतात. उजो पालोवपी दळाच्या जवानांनी इमारतीची फाटले वटेनची वणट मोडल्या.
एका पुलीस अधिकार्याच्या म्हणण्या प्रमाण १० ते १२ लोक भितर आडकून पडल्यात. उपमुख्यमंत्री ब्रजेश पाठक थंय पावल्यात आनी सुमार १४ एम्ब्युलन्सींक आपयल्यात.
इमारतीच्या तळ माळयेर आनी पयल्या माळ्यार ‘पॅट शॉप’ आनी क्लिनीक आसा. दुसरे माळयेर ‘लर्निंग स्पेस’ नांवाची लायब्ररी आनी कोचिंग सेंटर आनी ‘हेड हॉपर स्टुडिओ’ आसा. सध्या उज्यांत जे आडकून उरल्यात तांकां वाटावपाचो यत्न चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
