भांगरभूंय | प्रतिनिधी
पणजीः गोंय पुलिशेच्या गुन्यांव फाट्यान आयतारा सांजे वेळार धारगळ पंचायती कडेन धाड घालून आदे कुनाले ओपेयेमी (34) ह्या नायजेरियन नागरिकाक अटक केली. ताचे कडल्यान 6 लाख रुपया मोलाचें 61.23 ग्राम कोकेन जप्त केलें. अटक केल्ल्या दुबाविताक पेडणेंच्या प्रथमवर्ग न्यायालयान स दिसांची पुलीस कोठडी फर्मायल्या.
गुन्यांव फाट्यान दिल्ले म्हायती प्रमाण न्यूवाडो धारगळ वाठारांतले पंचायत कार्यालया लागसार एकलो घुंवळे वखदांची तस्करी करपा खातीर येतलो, अशी म्हायती गुन्यांव फाट्याक मेळिल्ली. ते प्रमाण गुन्यांव फाट्याचे पुलीस अधिक्षक निधीन वाल्सन, उपअधिक्षक सुरज हळर्णकार हांच्या मार्गदर्शना खाला पुलीस निरिक्षक नितीन हळर्णकार, नेथन आल्मेदा, पुलीस हवालदार संजय पेडणेंकार, संदीप मडकयकार, पुलीस कॉन्स्टेबल सुदेश माटकार, रुपेश हळर्णकार, संदेश कांबळी आनी हेर पुलिसांनी आयतारा सांजेच्या 5.40 ते 7.30 वरां मदीं सांपळो रचलो. गुप्तहेरांनी दिल्ले म्हायती प्रमाण दुबावीत आदे कुनाले ओपेयेमी (34) हो नायजेरियन नागरीक थंय आयलो. त्या वेळार पंगडान ताका ताब्यांत घेतलो आनी ताची झडटी घेतली. ह्या वेळार पंगडान ताचे कडल्यान 6 लाख मोलाचें 61.23 ग्राम कोकेन जप्त केलें. ते उपरांत हळर्णकार हांणी दुबाविता आड गुन्यांव नोंद करून ताका अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
