भांगरभूंय | प्रतिनिधी
पणजी : मुख्यमंत्री डॉ. प्रमोद सावंत हांच्या फुडारपणा खाला राज्यांत योग, संस्कृत भास, आयुर्वेद हांचो व्हडा प्रमाणांत प्रसार जायत आसा. विधानसभेंत चर्चा करून गोंय हें योग राज्य म्हूण जाहीर जावचें, अशी मागणी प.पू. ब्रह्मेशानंद स्वामी हांणी संवसारीक योग दिसा निमतान केली.
कुंडय तपोभूमीचेर योगाची कार्यावळी जाली.
गोंय म्हळ्यार दर्यादेगो आनी पर्यटन असो प्रसार सगळ्याक जाला. येवपी दशकांत गोंय ही योगभूंय, संस्कृती आनी ऋशीमुनींची भूंय असो प्रसार जावपाक जाय. गोंयांक व्हड आध्यात्मिक दायज लाभलां. ह्यान फुडें योगा खातीर गोंयची वळख जावपाक जाय. प्रधानमंत्री नरेंद्र मोदी हांणी एकवटीत राष्ट्रसंघांत (युएन) योगाचेर चर्चा करूंक ताका मान्यताय मेळोवन दिली. हाचे उपरांत आतां पुराय संवसारांत योगा जावपाक लागल्या.
मुख्यमंत्री डॉ. प्रमोद सावंत हांचे कार्यकाळात योगा सयत आयुर्वेद, संस्कृत भास, गोमाता हांचो उदोउदो जावपाक लागला, अशें प. पू. ब्रह्मेशानंद स्वामी हांणी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
