भांगरभूंय | प्रतिनिधी
पणजी : तांबडीमळ-कुळ्यां दूधसागर न्हंयेंत पेंवपाक गेल्ल्या दोगां १७ वर्सां पिरायेच्या चल्याक उदकांत बुडून मरण आयलें. आयतार, २१ जून दिसा ही घडणूक घडली. अजापाची गजाल म्हळ्यार फाटलय ८ दिसांनी कुळें वाठारांत अशे तरेन बुडून मरण येवपाची ही दुसरी घडणूक जावन आसा.
हे विशीं मेळिल्ले चड म्हायती प्रमाण, मरण आयिल्ले दोगूय चल १७ वर्सां पिरायेचे आशिल्ले. आयतारचे सुटयेची मजा करचे खातीर ते तांबडीमळच्या दुधसागर न्हंयेंच्या पात्रांत पेंवपा खातीर देंविल्ले. मात तांकां उदकाचो अदमास येवंक नाशिल्ल्यान ते दोगूय बुडले.
मरण आयिल्ल्या दोगां मदलो एकलो चलो थळावोच आशिल्लो. जाल्यार दुसरो बागलकोट (कर्नाटक) हांगचो आशिल्ल्याची म्हायती मेळ्ळ्या. पुलिसांनी घडणुके सुवातेर वचून पळोवी केली आनी दोनूय कुडी दक्षीण गोंय जिल्लो हॉस्पिटलांत पोस्टमार्टमा खातीर धाडल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
