भांगरभूंय | प्रतिनिधी
पणजी: भोमा, फोंड्या देवळा कुशीक जाल्ल्या अपघातांत एकल्याक मरण आयलें. जाल्यार चार जण गंभीर जखमी जाल्यात. तांचेर जीएमसींत उपचार चलतात.
मेळिल्ले म्हायती प्रमाण हो अपघात आयज सकाळीं ७ वराच्या सुमाराक फोंड्या-पणजी म्हामार्गावेल्या भोमा वाठारांतल्या देवळा लागसार जालो. अपघात इतलो भिरांकूळ आशिल्लो की अपघातांत कर्नाटक उच्च न्यायालयाचे धारवाड खंडपीठाचे कर्मचारी त्रिलोकनाथ हिरेमठ (होस्पेट) हांकां मरण आयलें. जाल्यार तांचे वांगडा प्रवास करपी हेर चार जाण गंभीर जखमी जाल्यात. तांचेर जीएमसींत उपचार चलतात. ह्या अपघातांत मोटारीचें व्हड लुकसाण जालें. अपघाताचे नेमकें कारण अजून कळूंक ना. पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
