भांगरभूंय | प्रतिनिधी
नवी दिल्ली, खबरां संस्था ः फुटपाथा वयल्यान चलप हो लोकांचो मुळावो हक्क अशें सर्वोच्च न्यायालयान एका म्हत्वाच्या निर्णया वेळार म्हळें. रस्तो आसा थंय चलपा खातीर स्थिर आनी बरी देखरेख केल्लो फुटपाथ आसपाक जाय. न्यायालयान केंद्र सरकाराक चलप्यांचे हक्क राखपा खातीर कायदो करपाचो विचार सांगलां.
न्यायाधीश पी. एस. नरसिम्हा आनी ए. एस. चांदूरकार हांच्या खंडपिठान वाहन अपघाताची भरपाय संबंदीत प्रकरणांत हें निरिक्षण नोंद केलें. अपघातांत शाळेंत वचपी 5 वर्सां पिरायेच्या भुरग्याक मरण आयिल्लें. खंडपिठान म्हणलें, ‘संविधानाच्या भाग-3 खाला चलपाचो अधिकार हो मुळावो हक्क. फुटपाथाचेर वाहनां परस चलप्यांचो हक्क आसा.’ संस्थांनी फुटपाथाचो मार्ग बांदचो, सांबाळचो आनी ताची राखण करची अशें खंडपिठान सांगलें.
रस्तो अपघातांत दर पांचवे मरण हें रस्त्यार चलप्याचे
एनसीआरबी आनी रस्तो येरादारी मंत्रालयाच्या आंकडेवारी प्रमाण, 2019 ते 2023 ह्या काळांत रस्तो अपघातांत सुमार 1.52 लाख चलप्यांक मरण आयलें. दर वर्सा सरासरी 30 हजार लोकांचो रस्त्यार चलतना जाल्ल्या अपघातांत जीव वता. रस्तो अपघातांत मरण येवपी लोकां मदीं 20% मरणां चलत वचप्यांक मरण येवपी लोकांची आसात. हाचोच अर्थ दर पांचवे मरण हें रस्त्यार चलप्याचे जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
