भांगरभूंय | प्रतिनिधी
पणजीः गोंयांक वर्सभर पर्यटनाचें केंद्र करपाच्या आनी पर्यटनाचे पर्याय वाडोवपाच्या यत्नांक नेट दिवन, गोंय सरकाराच्या पर्यटन खात्यान राज्यभर जायत्यो नव्यो पर्यटन कार्यावळी सुरू करपाचे थारयलां. वट्ट ११ श्रेणींनी विवीध पर्यटनाच्यो वेगवेगळ्यो कार्यावळी आयोजीत करपा खातीर फावो त्या ऑपरेटरांकडल्यान अर्ज मागयल्यात. हो उपक्रम राज्याच्या ’टुरिझम मास्टर प्लान आनी पॉलिसी’ कडेन सुसंगत आसा, जातूंत दर्या पल्तडीं गोंय हे संकल्पनेक चालना दिवपाचेर आनी शाश्वत, तंत्रज्ञानाचेर आधारीत आनी उच्च-दर्जाची पर्यटन वेवस्था हाडपाचेर भर दिल्या.
खात्यान सुचयिल्ल्या कार्यावळींचें जायत्या वेगवेगळ्या उच्च-वाडीच्या श्रेणींनी वर्गीकरण केलां.
हातूंत हाय-टेक आनी स्मार्ट प्रवासाचेर भर दीत पर्यटकांचो अणभव आधुनीक करपाच्या हेतान, गोंय ’डिजिटल आनी स्मार्ट टुरिझम’ खातीर आपलीं दारां उक्तीं करता, जातूंत एआय आधारीत पर्यटन सेवांचें आमंत्रण दिलां. हातूंत पर्यटकां खातीर खास अणभव, स्मार्ट बुकींग सिस्टीम, व्हर्च्युअल/ऑगमेंटेड पर्यटन आनी बिझनेस इंटेलिजन्स एनालिटीक्स हांचेर भर आसतलो.
खातें ’एव्हिएशन आनी इनोव्हेटिव्ह मोबिलिटी’ श्रेणीत ड्रोन शो, हॉवरक्राफ्ट, स्मार्ट गायडेड टूर, एआर/व्हीआर अणभव आनी हेलिकॉप्टर पार्कींग आनी हेर सेवांचो आस्पाव आसा. साहसी, उदकांतले आनी हवेतले खेळ श्रेणीत एक साहसी केंद्र म्हण आपलो दर्जो घट करपा खातीर, हवा आनी उदकांतल्या रोमांच खेळांक वाड दिवपाचो विचार करता. उदकांतलें आनी सागरी पर्यटन श्रेणीत जेट सर्फींग, फ्लायबोर्डींग, अंडरवॉटर स्कूटर, सी ब्रीचर आनी सबमसीर्र्बल वॉटरक्राफ्ट सारक्या प्रगत उदकांतल्या वाहनां खातीर प्रस्ताव उक्ते आसात. ताचे वांगडा लक्झरी यॉट टुरिझम, फ्लोटिंग रेस्टॉरंट आनी फ्लोटेल्स सारक्या गजालींचो आसपाव आसा.
साहसी आनी हवाई पर्यटन श्रेणींत गोंयच्या मळबांत बेगीनूच मोटरायज्ड पॅराग्लायडींग, स्कायडायव्हिंग, हॉट एअर बलून, हेली-टूर्स, सीप्लेन सर्व्हिसेस आनी मायक्रोलायट फ्लाईंग पळोवपाक मेळटले. जमनीवयले साहसी खेळ श्रेणीत एटीव्ही पार्क, आवटडोअर रॅपेलिंग, ट्रायके टूर्स आनी कॅराव्हान ट्रेल्स, वांगडा बंजी जंपींग, झोर्बिंग आनी इको सायकलिंग ट्रेल्स सुरू करपाच्यो येवजण्यो आसात.
भलयाकी आनी सैम श्रेणीत बोर्ड योगा, ध्यान आनी आयुर्वेद रिट्रीट आनी डिजिटल डिटॉक्स रिट्रीट हांचो आसपाव आसा. सांस्कृतीक आनी ग्रामीण पर्यटन श्रेणीत गोंयचे वेवसाय ट्रेल्स, स्पायस प्लांटेशन टूर, कलिनरी टुरिझम (पाककला पर्यटन), गांवगिरे अणभव सर्कीट आनी खाशेल्या फेणी ट्रेल्सचो आसपाव आसतलो. इको आनी वन्यजीव श्रेणी खाला सुकणीं पळोवप, वायल्डलायफ सफारी, कृषी-पर्यटन आनी संवर्धन पर्यटना खातीर संद उपलब्ध करून दितले.
प्रिमियम आनी मनोरंजन पर्यटना खाला चड खर्च करपी पर्यटकांक आकर्शीत करपा खातीर, ’प्रिमियम आनी निश टुरिझम’ हे श्रेणी खाला पायाभूत सुविदांचो आस्पाव आसा. हातूंत गोल्फ कोर्स, हँगिंग रेस्टॉरंट, मायस पर्यटन आनी लक्झरी कॅराव्हान सर्कीट हांचो आस्पाव आसा. सामान्य मनोरंजनाचे पर्याय जशे, लायव्ह व्हिज्युअल 5D/3D शो, नायट मार्केट, इन्फ्लेटेबल एडवेंचर पार्क, आनी हाय-एंड म्युझीक व्हेन्यू हांचोय विचार चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
