भांगरभूंय | प्रतिनिधी
पावसाक लागून गिमाच्या खर उश्णतायेंतल्यान सुटका मेळटा, पूण दोळ्यांचे वेगवेगळे प्रस्नय येतात. ह्या वेळार दोळ्यांच्या दोतोरांकडेन येवपी एक कागाळ म्हळ्यार तांबडे दोळे. दोळे तांबडे जातात तेन्ना जायत्या जाणांक रोखडोच दोळ्यांचो फ्लू जाला असो दुबाव येता. पूण तांबड्या दोळ्यां फाटल्यान जायतीं कारणां आसूं येतात. कांय कारणां सादारणपणान दिसतात, जाल्यार कांय कारणां गंभीर दुयेंसांचीं लक्षणां आसूं येतात आनी ताचेर बेगोबेग उपचार करचे पडटात. कल्याणच्या डॉ. अगरवाल्स आय हॉस्पिटलांत कॉर्निया आनी ऑक्युलर सरफेस रोग तज्ज्ञ डॉ. सोनल देसाय हांणी दोळे तांबडे जावपाचीं कारणां आनी प्रतिबंधक उपाय सांगल्यात.
पावसांत तांबडे दोळे जावपाचीं सामान्य कारणां
पावसांत तांबड्या दोळ्यांक व्हायरल दोळ्यांचो फ्लू चड प्रमाणांत जाता. हो संसर्ग संक्रमीत मनशाच्या स्रावां वरवीं वा दुशीत वस्तूंच्या संपर्कांतल्यान सहज पतळपाक शकता.
लक्षणां:
दोळे तांबडे जावप
दोळ्यांतल्यान उदक येवप
दोळे जळप
दोळ्यांच्या पापण्यांक सूज येवप
उजवाडाची संवेदनशीलताय वाडप
एलजीर्र्क कंजंक्टिव्हायटीस : पावसांत वाडिल्ली आर्द्रता, बुरशीची वाड, धूळ आनी हेर ऍलर्जन्स हाका लागून दोळ्यांची एलर्जी वाडपाक शकतात.
लक्षणां
खाज येवप
दोळे तांबडे जावप
दोळ्यांतल्यान उदक येवप
पापण्यो सुजप
ड्राय आय
जायत्या जाणांक अजाप जावं येता, पूण पावसाच्या दिसांनीय दोळे ड्राय जावपाची समस्या वाडूंक शकता. सतत स्क्रीन वापर, एसीच्या वातावरणांत रावप आनी उण्या प्रमाणांत पापण्यो बंद करप हाका लागून दोळे तांबडे आनी जळपाक शकतात.
दोळे तांबडे जावप हें गंभीर समस्येचे संकेत असूंक शकतात?
दरेक तांबडे दोळे हो सादो साधा संसर्ग वा ऍलर्जीक लागून जाला अशें नासता. कांय फावटीं दोळे तांबडे जावप हें गंभीर दुयेंसाचें लक्षण आसपाक शकता, अशें कॉर्नियल अल्सर
ऍक्युट ग्लॉकोमा
यूव्हायटिस
स्क्लेरायटिस अशे स्थितींत वेळार उपचार घेना जाल्यार नदरेचेर व्हड परिणाम जावपाक शकता.
पावसांत दोळ्यांची राखण कशी करप?
नेमान हात नितळ धुयात
दोळे चोळचे न्हय
टॉवेल, दोळ्यांच्या सौंदर्याचें सामान वा आय ड्रॉप्स हेरां वांगडा शेअर करूं नाकात.
कॉन्टॅक्ट लॅन्स वापरल्यार ते नितळ दवरात.
स्क्रिनी मुखार चड वेळ बसप टाळचें आनी नेमान विसव घेयात.
डॉक्टरांचो सल्लो केन्ना घेवचो?
तकली फोडप
नदर उणी जावप
उजेडाचो त्रास वाडप
दोळ्यांतल्यान दाट वा हळदुवो स्त्राव येवप
दोळे तांबडेच दिसप आनी ते कायम उरप
अशीं लक्षणां दिसल्यार रोखडेंच दोतोराक वचून मेळचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
