भांगरभूंय | प्रतिनिधी
पणजी : करंझाळे वाठारांतल्या आयवांव दर्यादेगेर एके बायलेची कुशिल्ले अवस्थेंत कूड सांपडल्या. ही कूड थंय व्हांवून पाविल्ल्याचे समजता. हे घडणुकेची म्हायती मेळटांच पणजी पुलिसांनी पंचनामो केलो आनी हेर मुळावे प्रक्रियेक सुरवात केली.
मुळावे म्हायती प्रमाण, कांय दिसां पयलीं मांडवी पुलावेल्यान उडी मारिल्ली बायल ती हीच काय दुसरी हाची चवकशी पुलीस सध्या करतात. मात, हे कुडीची वळख आजूनय पटूंक ना.
मेळिल्ली कूड कुशिल्ले अवस्थेंत आशिल्ल्यान तिची वळख पटपाचें काम कठीण आसा. पुलिसांनी कूड ताब्यांत घेवन फुडल्या तपासाक सुरवात केल्या. पोस्टमार्टम अहवाल आनी वळख पटपाचे प्रक्रिये उपरांत अदीक म्हायती मुखार येतली. पणजी पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
