भांगरभूंय | प्रतिनिधी
पणजी : गोंयांत मॉन्सून दुबळो जाल्ल्यान पावसाचें प्रमाण उणें आसा. सोमारा गोंयांतलो उबाळ कायम आशिल्लो. पणजे चडांत चड 34.4 अंश जाल्यार उण्यांत उणें 27.7 अंश सेल्सियस तापमानाची नोंद जाली. मुरगांवां चडांत चड तापमान 34 अंश आनी उण्यांत उणें तापमान 28 अंश सेल्सियस आशिल्लें. फुडले स दीस गोंयांत चडांत चड तापमान 32 ते 34 अंश आनी उण्यांत उणें तापमान 25 ते 27 अंश सेल्सियस आसपाची शक्यताय आसा. 18 जून मेरेन गोंयांतलें वातावरण उश्ण आनी दमट आसपाची शक्यताय आसा.
हवामान खात्यान गोंयांत 16 ते 21 जून ह्या काळांत तुरळक पावसाची शक्यताय उक्तायल्या. गोंयांत 24 वरांत 1.5 मिमि पावसाची नोंद जाली. पुराय गोंयांत 1 ते 15 जून मेरेन सरासरी 6.43 इंच पावसाची नोंद जाल्या. अंदूं पावसाचें प्रमाण 54.8 टक्क्यांनी उणें आसा. वयल्या काळांत काणकोणां सगल्यांत चड 15.77 इंच पावसाची नोंद जाल्या. मुरगांवां 8.87 इंच, पोरणे गोंया 7.16 इंच, पेडण्यां 6.68 इंच, मडगांवां 6.94 इंच, दाबोळे 6.33 इंच, धारबांदोड्यां 6.06 इंच पावसाची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
