भांगरभूंय | प्रतिनिधी
भांगरभूंय । प्रतिनिधी
पणजीः वर्स 2027 विधानसभा वेंचणुकेंत भाजपाचे उमेदवार म्हूण नवे चेरे आसपाची शक्यताय आसा. कोणें पक्षाची तिकेट मागली म्हूण मेळची ना ते खातीर उमेदवारान केल्ले पक्षाचे काम पळयतले. उमेदवारी दितना पक्षा खातीर दिल्ले योगदान आनी जिखपाची तांक ह्यो गजाली विचारांत घेतले, अशें भाजप प्रदेशाध्यक्ष दामू नायक हांणी सांगलें.
प्रदेशाध्यक्ष दामू नायक हांणी हाल्लींच दिल्ली भेट दिवन गोंयचे प्रभारी बी. एल. संतोष हांकां 2027चो कृती आराखडो सादर केल्लो. ह्या कृती आराखड्यांत नवे चेऱ्यांक संद दिवपाचे गजालींचो आस्पाव आशिल्लो. हे भेटी विशीं सविस्तर म्हायती दितना नायक उलयताले.
पक्षाचो कृती आराखडो दिल्ली पक्ष श्रेश्ठींकडेन सुपुर्त केल्लो आसा आनी येवपी वेचणुकेंत 30 मतदारसंघांत जिखपाची आमची मोख आसा, अशें नायक हांणी सांगलें.
लोकसभेच्या वेंचणुकेंत भाजपाच्या मतांची टक्केवारी 51 टक्क्याचेर पाविल्ली. विधासभा वेंचणुकेंत लेगीत मतांची 51 टक्केवारी गाठपा खातीर आमचो पुराय यत्न आसतलो. हे खातीर 2027 वेंचणुकेंत नवे चेरे आसपाक शकतात. पूण हे करतना ज्यो गजाली पक्ष सत्तेर येवपाक गरजेच्यो आसा त्यो सगळ्यो गजाली तातूंत अतर्भूत आसतल्यो, अशी म्हायती नायक हांणी दिली.
तिकेट दिवचे पयली उमेदवारांची जिखपाची तांक, कार्यपध्दत, पक्षा खातीर तांणी दिल्ले योगदान तेच वांगडा जायत्या वर्सा पक्षांत कामाचो अणभव, तातूंत प्रधानमंत्री मोदी हांची मन की बात वा आवटरीच प्रोग्राम सारक्यो हेर कार्यावळींचो आस्पाव हे सगळे गजालींचे विचार करतले. फक्त पक्षाची तिकेट जाय म्हूण जावचे ना पक्षाचे काम करप म्हत्वाचें आसा अशें नायक हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
