भांगरभूंय | प्रतिनिधी
खबरां संस्था
नवी दिल्लीः भारतीय क्रिकेट पंगडाचो मुखेल कोच राहुल द्रवीड हाचो कोरोना अहवाल निगेटिव्ह आयला. ताका लागून तो आतां पंगडा वांगडा रावतलो. भारतीय पंगड आशिया कप सर्ती खातीर यूएईत वच्चे पयलीं द्रविडाचा कोरोना अहवाल पॉझिटीव्ह आय़िल्लो. ताका लागून ताका पंगडा वांगडा वचपाक मेळ्ळें ना.
द्रविडाचे गैरहाजेरेंत व्हीव्हीएस लक्ष्मण हाका भारताचो कोच म्हणून जापसालदारी दिल्ली. द्रविडाच्या मार्गदर्शना खाला भारतीय पंगडान एका फाटल्यान एक सर्ती आनी मालिका जिखल्यात. ताका लागून तो पंगडा वांगडा आसचो अशें खेळगड्यांक दिसतालें. बंगळुरू हांगच्या एका घरात तांका विलगीकरणात दवोरल्लें. तो आतां पंगडा वांगडा आशिल्ल्यान हुस्को ना जातलो. लक्ष्मणा कडेन कसली जापसालदारी दितलें हें अजून सामकार आयलें ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
