भांगरभूंय | प्रतिनिधी
पणजी : भारतीय जनता पक्ष केन्नाच धर्माचेर आधारीत राजकारण करी ना. धर्माचे राजकारण नाशिल्ल्यान मंत्रिमंडळात हांव तिसर्या नंबराचों मंत्री आसा, अशें येरादारी मंत्री मॉवीन गुदिन्हो हांणी सांगलें.
प्रधानमंत्री नरेंद्र मोदींच्या फुडारपणा खाला भारतीय जनता पक्ष सगळ्या धर्माच्या लोकांक समान वागणूक दिता. हाका लागून ईशान्ये कडल्या राज्यांत लेगीत भारतीय जनता पक्षाय येस मेळ्ळां. आतां फकत देशाक मोदीजींची गरज ना, जाल्यार पुराय संवसाराक मोदीजींची गरज आसा, अशें येरादारी मंत्री मॉवीन गुदिन्हो हांणी सांगलें.
वीजमंत्री आनी मगोचे फुडारी सुदिन ढवळीकार हांणी मगो पक्षावतीन प्रधानमंत्री नरेंद्र मोदी हांकां परबीं भेटयलीं. २०१४ वर्सा गोंयांतूच नरेंद्र मोदी हांची फुडारी म्हूण भारतीय जनता पक्षा वतीन घोशणा जाल्ली. प्रधानमंत्री नरेंद्र मोदी हांकां लागून राम मंदीर जालें. नरेंद्र मोदी हे संस्कृतायेचो आदार आसा, अशें सुदिन ढवळीकार हांणी पत्रकार परिशदेंत सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
