भांगरभूंय | प्रतिनिधी
पणजी: गोंयचो युवा आनी आश्वासक क्रिकेटपटू वेंकट चिगुरुपती हांची येवपी श्रीलंका दौर्या खातीर भारताच्या १९ वर्सां सकयल्या (अंडर-१९) दादल्यांच्या मल्टी-डे संघांत निवड जाल्या. हे इतिहासीक कामगिरी विशीं गोवा क्रिकेट असोसिएशनान (जीसीए) ताका विशेश परबीं भेटयल्यां. तांची राष्ट्रीय संघांत जाल्ली निवड ही गोंयचे क्रिकेटी खातीर सामकी अभिमानाची गजाल आशिल्ल्याचें म्हणलें.
वेंकटचे खर परिश्रम, ग्रावंडावेलें समर्पण आनी विवीध पांवड्यावेली सेगीत कामगिरीची ही पावती. तांच्या ह्या येसाक लागीन राज्यांत क्रिकेट उदरगतीची वाडपी तांक अधोरेखीत जाल्या. तशेंच गोंयच्या हेर युवा क्रिकेट खेळगड्यांक हातुंततल्यान व्हड प्रेरणा मेळटली.
ह्या येसा खातीर आदले रणजी पटू आनी जीसीएचे अध्यक्ष महेश देसाय आनी जीसीएचे सचिव तुळशीदास शेट्ये हांणी वेंकट चिगुरुपती हांची तोखणाय करून तांकां तांच्या ह्या येसा खातीर आनी श्रीलंका दौर्या खातीर परबीं भेटयल्यां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
