भांगरभूंय | प्रतिनिधी
पणजी: मणिपाल- कर्नाटकच्या डॉ. टी. एम. ए. पै फांवडेशनाचो २०२४ वर्साचो प्रतिश्ठेचो डॉ. टी. एम. ए. पै साहित्य पुरस्कार अनंत अग्नी हांच्या ‘आत्मसोद’ ह्या पुस्तकाक फावो जाला. मानचिन्न आनी रोख पंचवीस हजार रुपया अशें पुरस्काराचें स्वरूप आसा.
‘आत्मसोद’ हो लेख संग्रह संजना पब्लिकेशन्स हे प्रकाशन संस्थेन उजवाडाक हाडला. ह्या पुस्तकांत लेखकान पालकत्व, व्यक्तिमत्व विकास, ताणमुक्ती, वेवसाय मार्गदर्शन आदीं विशयांचेर प्रत्यक्ष अणभवांतल्यान बरयिल्ल्या लेखांचो आसपाव आसा. ह्या पुस्तकाच्यो अल्प काळांत दोन आवृत्ती आयल्यात. पुस्तकाचो इंग्लीश अनुवाद येवपाचे वाटेर आसा. ह्या पुस्तकाक हाचे आदीं गोवा कोंकणी अकादेमीचो साहित्य पुरस्कारय फावो जाला.
पुरस्कारा खातीर संजना पब्लिकेशन्सचे दिनेश मणेरकार हांणी अनंत अग्नी हांकां परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
