भांगरभूंय | प्रतिनिधी
टुगेदर फॉर म्हापशेंचें पुलिसांक निवेदन: सॅम्युअल ब्रागांझा आत्महत्या प्रकरण
म्हापशें : गावसावाडो, म्हापशेंचो सॅम्युअल ब्रागांझा ह्या तरणाट्याच्या मरणा प्रकरणांत म्हापशें नगरपालिकेच्या प्रशासकांचेर आत्महत्येस प्रवृत्त केल्ल्याचो गुन्यांव दाखल करचो, अशी मागणी टुगेदर फॉर म्हापश्यां हें संघटणेन केली.
मंगळारा, ९ जुनाक संघटणेचे अध्यक्ष ऍड. महेश राणे, सरचिटणीस जितेश कामत, उपाध्यक्ष विजय भिके आनी सुदेश हसोटीकर हांणी हे विशीं म्हापशें पुलीस निरीक्षक नविन देसाय हांकां कागाळ पत्र सादर केलां. सॅम्युअल ब्रागांझाचें मरण हें फकत एक घडणूक न्हय, म्हापश्यां शारांतल्या कोयर वेवस्थापनांत नगरपालिका प्रशासनाक आयिल्लें अपेस. तशेंच नागरिकांक आरोग्यदायी वातावरण दिवपाच्या तांच्या घटनात्मक कर्तव्यातलें अपेस. शारांतल्या कोयराचे समस्ये विशीं नागरिकांनी सेगीत कागाळी करूनय आनी व्यापक जनजागृती जावनय पालिका प्रशासनान कसलीच खर वा सुधारणेचीं पावलां उबारूंक नात.
ह्याच पालिकाधिकार्यांच्या उबगणेक लागून शारांत घाण पातळ्ळ्या. भौशीक उपद्रव वाडला. परिणाम, नागरिकां मदीं खर मानसीक ताण जाला आनी सदचे वाद, वायट उतरां आनी मानसीक छळाक तोंड दिवचें पडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
