भांगरभूंय | प्रतिनिधी
पणजीः आंतरराष्ट्रीय योग दिसा निमतान गिनीज वर्ल्ड रेकॉर्ड करपाच्या यत्नांत सरकारी कर्मचार्यांनी वांटो घेवचो म्हूण सरकारी विभाग, कार्यालयां, स्वायत्त संस्था आनी महामंडळांक सामान्य प्रशासन विभागान परिपत्रक जारी करून आवाहन केलां.
आयुष मंत्रालय, हॅबिल्ड हेल्थटेक प्रायव्हेट लिमिटेडच्या सहकार्यान, मंत्रालयाच्या युट्यूब प्लॅटफॉर्मचेर एकाच वेळार ऑनलॉयन योग सत्रांत सगळ्यांत चड वांटेकार आशिल्ले विश्व रेकॉर्ड करपाचो हावेस उक्तायला.
हो सुवाळो जून १४, २०२६ दिसा सकाळीं ६.१५ ते ७.३५ ह्या वेळार जातलो. वाटेकारांनी १८००-३१५-७००८ ह्या टोल-फ्री नंबराचेर मिस कॉल दिवन पयलीं नोंदणी करची पडटली, हाचे उपरांत तांकां व्हॉट्सऍप वरवीं सत्राची लिंक मेळटली.
परिपत्रकांत असो भर दिला, दर एका वांटेकारान आपल्या स्वताच्या मोबायला वरवीं लॉग इन करपाक जाय. सत्रांत आसपाव आशिल्ल्या दर एक नोंदणीकृत मोबायक अधिकृत गिनीज वर्ल्ड रेकॉर्ड गणनेंत मेळोवन घेतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
