भांगरभूंय | प्रतिनिधी
मुरगांव: मुरगांव पत्तन प्राधिकरणांत (एमपीए) हाताळपी कोळसो प्रदुशणा आड भाजपाचे लोकप्रतिनिधी अजिबात आवाज काडिनात. कारण तांचे कोळसो हाताळपी आस्थापनां वांगडा बरे संबंद आशिल्ल्यान भाजपाची आदले, आतांचे आमदार मुरगांव बंदरांतलो कोयर सोंपोवपाक फुडाकार घेनात, अशी म्हायती गोंय प्रदेश कॉंग्रेस अल्पसंख्याक विभागाचे आदले अध्यक्ष नजिर खान हांणी दिली. मुरगांव पालिकेचे आदले नगराध्यक्ष गिरीश बोरकार हांणी कांय नगरसेवकां वांगडा मुख्यमंत्र्यांची भेट घेवन कोळसो प्रदुशणा विशीं म्हायती दिल्ली. मात मुख्यमंत्र्यांची भेट घेवनय कोळसो आसलो तसोच हाताळटात. हाका पुरायेन मुरगांवचे आमदार संकल्प आमोणकार, वास्कोचे आमदार कृष्णा साळकार आनी आदले मंत्री मिलिंद नायक, ताचे नगरसेवक जापसालदार आशिल्ल्याचो आरोप नजिर खान हांणी केलो.
वास्को आयोजीत पत्रकार परिशदेंत ते उलयताले. ह्या वेळार तांचे वांगडा मुरगांव पालिकेचे आदले नगराध्यक्ष तशेंच कॉंग्रेस फुडारी नंदादीप राऊत हाजीर आशिल्ले. मुखार पत्रकारांक म्हायती दितना खान हांणी एमपीएन वास्को शारात उड्डाणपुल उबारता तो बायणा पावता. हांगा एमपीएन गेट उबारल्या. ती गेट काडपाक आमदार साळकार हांचे वांगडा आदले नगरसेवक दिपक नायक अपेशी थारिल्ल्याचें तांणी म्हणलें. दक्षीण गोंय जिल्लोधिकार्यांनी एमपीएन बायणा उड्डाणपुला सकयल उबारिल्ली गेट काडपाचे आदेश दिल्या आसतनाय एमपीए राज्य सरकाराच्या आड वचून आपली मनमानी करता अशें तांणी सांगलें.
आमदार संकल्प आमोणकर, आमदार कृष्णा साळकर आमदार नासतना मुरगांव बंदरांतल्या कोळशाक खर विरोध करताले. आतां मात मुरगांव बंदरांतलीं कोळसो प्रदूषण नियंत्रणां हाडात अणें उलयता. हाचे वेल्यान समजता ह्या दोनूय लोकप्रतिनिधीचें कोळसो आस्थापना कडेन बरे संबंद आसात अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
