भांगरभूंय | प्रतिनिधी
मनिला: फिलिपिन्साक सोमारा सकाळीं ७.८ रिश्टर तांकीचो भुंयकांप जालो. ताका लागून फिलिपिन्स, इंडोनेशिया आनी मलेशियाच्या दर्यादेग वाठारांनी त्सुनामीची शिटकावणी दिल्या. मुळाव्या अहवाला प्रमाण खुबश्या घरांचें लुकसाण जालां. तातूंत ३ जाणांक मरण आयलें.
भुंयकांपाचें केंद्र मिंडानाओ जुव्यांवेल्या जनरल सँटोस शारा पसून सुमार १३ किलोमीटर नैऋत्येक आशिल्लें. फिलिपिन्साच्या भुंयकांप संस्थे प्रमाण ताची कूड १० किलोमीटर आशिल्ली, जाल्यार अमेरिकन भूवैज्ञानीक सर्वेक्षणान ७.८ खर आनी ५५ किलोमीटर खोल नोंद केली.
पॅसिफीक त्सुनामी वॉर्नींग सेंटरान शिटकावणी दिल्या ती म्हणल्यार, फिलिपिन्सच्या कांय दर्यादेग वाठारांनी ३ मिटर मेरेन उंच ल्हारां येवपाक शकता. जाल्यार इंडोनेशिया आनी मलेशियाच्या कांय दर्यादेगांचेर १ मिटर मेरेन उंच ल्हारांचो धोको आसा.
#Philippines #Earthquake #Indonatia #Malaysia #Tsunami
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
