भांगरभूंय | प्रतिनिधी
धारगळ : राष्ट्रीय महामार्ग नंबर ६६ चेर पडिल्ल्या फोंडकुलांक लागून वाहन चालकांचो जीव धोक्यांत आसा. ज्या यंत्रणां कडल्यान ह्या रस्त्याचो सांबाळ अपेक्षीत आसा, तीं मात निश्क्रीय आशिल्ल्याचो आरोप नागरिकां कडल्यान जाता. अशा वेळार एका होमगार्ड जवानान हातांत खोरें घेवन फोंडकुलांनी माती घालून तीं पुरोवपाचो यत्न केल्ल्याचें चित्र मुखार आयलां.
हे घडणुकेक लागून नागरिकांक एक प्रस्न पडला, जांचे कडेन हो रस्तो सांबाळपाची जापसालदारी आसा, ते नेमके करतात तरी कितें?
सदांच हजारांनी वाहनां यो-वच करपी ह्या राष्ट्रीय महामार्गाचेर अपघात टाळपा खातीर एक होमगार्ड फुडाकार घेता. हाका लागून हो विशय चर्चेचो थारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
