भांगरभूंय | प्रतिनिधी
नवी दिल्लीः नीट परिक्षा वेवस्थेंतल्या चुकीं आड केंद्रीय शिक्षण मंत्र्यान राजिनामो दिवचो अशी मागणी करून ‘कॉकरोच जनता पार्टी’न (CJP) शेनवारा, ६ जुनाक नवी दिल्लीच्या जंतर मंतराचेर आंदोलनाचो उलो मारला. ते खातीर कॉकरोच जनता पार्टीचे संस्थापक अभिजीत दीपके अमेरिकेंतल्यान दिल्लींत आयल्यात.
आंदोलनाचे फांटभूंयेर राजधानींत सुरक्षा खर केल्या. पुलिसांनी आंदोलन करपाक परवानगी दिले उपरांत जंतर मंतर वाठारांत व्हड प्रमाणांत लोक जमल्यात.
कॉकरोच जनता पार्टीचे संस्थापक अभिजीत दीपके अमेरिकेंतल्या बोस्टनांतल्यान भारतांत परतल्या उपरांत तांणी “शांततायेन आंदोलन मुखार व्हरया” असो उलो केलो. दिल्ली विमानतळार पावतकच तांणी जंतर मंतराचेर सगळ्यांक मेळपाची उमेद उक्तायली. तांणी डाॅ. बाबासाहेब आंबेडकर हांचें पुस्तक उपस्थितींत दाखयलें.
सोनम वांगचुक आंदोलनात वांटो घेवपाचो संकेत
मजगतीं, शिक्षणीक मळार आनी पर्यावरण संवर्धनांत सुदारणा करपा खातीर वावुरपी सोनम वांगचुक हांणीय आपली मागणी पुराय जाली ना जाल्यार आंदोलनांत वांटो घेवपाचो संकेत दिला.
दिल्ली पुलिसांचें सुरक्षेचेर लक्ष
ह्या आंदोलना उपरांत दिल्ली पुलिसांनी विमानतळ, शिमेचेर प्रवेश केंद्र आनी संवेदनशील सुवातींनी अतिरिक्त सुरक्षा तैनात केल्या आनी परिस्थितीचेर बारीकसाणेन नदर दवरल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
