भांगरभूंय | प्रतिनिधी
वास्कोः वेर्णा रस्त्याचेर मदीं बशिल्ल्या गोरवांक वेगान येवपी अवजड वाहनाचो धपको लागून 5 गायींक मरण आयलें. जाल्यार एक गाय जखमी जाली. ह्या प्रकरणांत वेर्णा पुलिसांनी ड्रायव्हराक अटक केल्या.
हो अपघात शुक्रारा मध्यान रातीं जालो. रस्त्यार गोरवां बशिल्ली. तातूंतल्या पांच गायींक अवजड वाहनाचो धपको लागून मरण आयलें एके गाय गंभीर जखमी जाली. जेकेएसएस गट, परशुराम गोमंतक गोशाळा सदन आनी डीएसपीसीए हांच्या मजतीन जखमी गायेक उपचारा खातीर ध्यान फाउंडेशनाच्या गो शाळेंत व्हेली.
घडणुकेची म्हायती मेळ्ळे उपरांत वेर्णा पुलिसांनी वचून ड्रायव्हराक धरलो. दक्षीण गोंयचे डीएसपीसीएचे अधिकारी राज प्रतीक हांणी घडणूक सुवातेक भेट दिवन परिस्थितीचो नियाळ घेतलो. ह्या प्रकरणाची फुडली चवकशी चलता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
