भांगरभूंय | प्रतिनिधी
जयपूर: राजस्थानांत इबोला व्हायरसाचो पयलो दुबावीत दुयेंती सांपडला. युगांडा सावन भोंवडे खातीर राजस्थानांत आयिल्ले बायलेक इबोलाच्या संसर्गा सारकीं लक्षणां दिसून आयल्यांत. ही बायल जयपुरांतल्या राजस्थान भलायकी विज्ञान विद्यापिठांत (आरयूएचएस) दाखल जाल्या. सद्या दुयेंतीक आयसोलेशनांत दवरल्या.
दुबावीत दुयेंती मेळ्ळे उपरांत भलायकी खात्याक खबर दिली. अहवाल येसर सगले खबरदारीचे उपाय चालू उरतले अशें अधिकार्यांचें म्हणणें आसा.
तपासणे खातीर नमुने धाडले पुण्याक
आरयूएचएस हॉस्पिटलाचे अधीक्षक डॉ. अनिल गुप्ता हांणी सांगलें, सध्या बायले मदीं इबोला विशाणू संसर्गाची पुश्टी जावंक ना. इबोला संसर्गा कडेन मेळपी लक्षणां मेळ्ळ्यांत.
फकत लक्षणांचेर आदारून ताका इबोला म्हणपाक शकना. तपासणी अहवाला उपरांतूच निश्कर्श काडटले. पूण खासा प्रोटोकॉल प्रमाण बायलेचेर उपचार आनी निरिक्षण केला.
बायलेच्या नमुन्यांची चांचणी करपा खातीर पुण्यांतल्या प्रयोगशाळेंत धाडल्यात. आयज सांजवेळा मेरेन वा फाल्यां सकाळीं मेरेन अहवाल येवपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
