भांगरभूंय | प्रतिनिधी
मडगांव: सां जुजे दि आरियालच्या पंचायत घरा लागसार आशिल्ल्या सेंट जोसेफ हांचे मुर्तीची मोडतोड केल्ल्या प्रकरणांत मायणा-कुडतरच्या पुलिसांनी एका दुबाविताक अटक केली. राहुल सिंग चौहान (३६, मूळ रा. लखनऊ, उत्तर प्रदेश) अशें ताचें नांव.
मंगळारा रातीं दुबावितान सोर्याचे घुंवळेन हें केल्ल्याची म्हायती पुलीस निरीक्षक कपिल नायक हांणी दिली. दुबावीत चौहान हो सध्या रुमडामळार एका हॉटेलांत कामाक आसा.
मुर्तीची विटंबना जाल्ल्याची खबर पातळटांच थळाव्यांनी घडणुके सुवातेर व्हड गर्दी केल्ली. हाका लागून कांय काळ ह्या वाठारांत तणावाचें वातावरण पातळिल्लें. घडणुकेची म्हायती मेळटांच पुलिसांनी ग्रामस्थांक समजावन परिस्थिती नियंत्रणांत हाडली. उपरांत पुलिसांनी ह्या वाठारांतले सिसिटीव्ही फुटेची तपासल्यो. दुबाविताक सोदून काडलो आनी ताका ताब्यांत घेतलो. ताणें गुन्यांव कबूल केला.
सां जुजे दि आरियाल भागांतल्या सेंट जोसेफ हांचे मुर्तीची मोडतोड जावपाची ती तिसरी खेप. असल्या घडणुकांनी धर्मीक भावना दुखवतात. पुलिसांनी ह्या प्रकरणांत खर पावलां उबारचीं आनी दोशींक खर ख्यास्त दिवची, अशी मागणी थळाव्यांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
