भांगरभूंय | प्रतिनिधी
नवी दिल्ली: बुधवारा सकाळीं दिल्लीच्या मालवीय नगरच्या लेमन ग्रीन रेस्टॉरंटाक उजो लागलो. हातूंत २१ जाणांक मरण आयलें. जे इमारतीक उजो लागलो ती स माळयांची इमारत, आदीं तातूंत फ्लोरीस स्टे हॉटेल आशिल्लें.
दिल्ली उजो पालोवपी सेवे प्रमाण, बुधवारा सकाळच्या ९:४५ वरांचेर उजो लागिल्ल्याची म्हायती मेळ्ळी. सकयले माळयेंतल्यान तिगांक वाटयले. आतां मेरेन इमारतींतल्यान सुमार ३७ जाणांक सुरक्षीत भायर काडले. खुबश्या जाणांची भलायकी गंभीर आसा. मरण आयिल्ल्यांचोय आंकडो वाडपाची शक्यताय आसा. उजो पालोवपी दळाच्या धा वाहनांनी उजो पालयलो. आजूनय रेस्न्यू ऑपरेशन सुरू आसा.
थळाव्यांच्या म्हणण्या प्रमाण, सकाळीं सुवार ८.५० वरांचेर इमारतीच्या तळाक उजो लागलो. हारचो फुटिल्ल्यान उजो सगल्याक पातळ्ळो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
