भांगरभूंय | प्रतिनिधी
मुख्यमंंत्र्यांंची केंद्रीय जलशक्ती मंंत्र्यांं कडेन चर्चा
पणजी: सांंत इनेज खारीज तशेंच साळ न्हंयच्या उदकाचें शुद्धिकरण करपा खातीर गोंय सरकार नव्यान डीपीआर तयार करतलें. हो डीपीआर केंद्राक सादर जाले उपरांत केंद्रा कडल्यान अर्थीक मजत मेळटली, अशें मुख्यमंंत्री डॉ. प्रमोद सावंंत हांंणी सांंगलें.
मुख्यमंंत्री डॉ. प्रमोद सावंंत हांंणी दिल्लीत केंद्रीय जलशक्ती मंंत्री सी. आर. पाटील हांंची भेट घेतली. हे भेटींत तरेकवार प्रकल्पांं विशींची चर्चा जाली. साळ न्हंंय तशेंच सांंत इनेज खारजाचो गाळ उसपुपाचो वावर जाला. साळ न्हंयेंतलो गाळ उसपुपाचें काम पुराय जावंंक ना. हेर कामां खातीर चड निधी लागता. सांंत इनेज खारीज तशेंच साळ न्हंयचें उदक शुद्ध करपा खातीरचो वावर सुरू जातलो. हाचे खातीर केंद्रीय निधीची गरज आसा. हाचेर हांंवें केंद्रीय जलशक्ती मंंत्री सी. आर. पाटील हांंचे कडेन चर्चा केल्या. उदक शुद्धिकरणा विशीं नव्यान डीपीआर तयार जातलो.
हणजूणें धरणाची दुरुस्ती आनी कालव्याच्या कामा खातीर केंद्रान 250 कोटी रुपयांंचो निधी मंंजूर केला. हाका लागून हणजूणें धरणाच्या दुरुस्तीचो वावर सुरू जातलो.
उदका पुरवण प्रकल्प राबोवपा खातीर केंद्राच्यो येवजण्यो आसात. ह्या येवजण्यांतल्यान निधी घेवन शेती, बागायतीक उदक उपलब्ध जातलें. उदकाचो चडांत चड वापर जावपा खातीर तरेकवार प्रकल्पांं विशीं केंद्रीय जलशक्ती मंंत्र्यांं कडेन चर्चा जाली, अशें मुख्यमंंत्र्यांंनी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
