भांगरभूंय | प्रतिनिधी
फोंडें: म्हाड्डोळ पुलिसांनी एका २५ वर्सां पिरायेचे तरणाटेक लग्न जावपाचें हांयस दाखोवन बलात्कार केल्ल्या प्रकरणांत वर्धन नायक (२४, खडपाबांध- फोंडे) हाचे आड गुन्यांव नोंद केला. म्हाड्डोळ पुलीस स्टेशनाचे निरीक्षक योगेश सावंत ह्या प्रकरणांत अदीक तपास करतात.
हे विशीं पुलिसांनी दिल्ले म्हायती प्रमाण, २०२० वर्सा तरणाटेची वळख दुबावीत वर्धन नायक हाचे कडेन जाल्ली. लग्न जावपाचें उतर दिवन दुबावितान जायते फावट तिचेर बलात्कार केल्ल्याचें पुलीस कागाळींत म्हणलां. मार्च २०२६ वर्सा अचकीत दुबावितान लग्न करपाचो विचार बदल्लो. आतां दुबावीत तिचे कडेन लग्न जावपाक न्हयकारपाक लागलो. हाका लागून सोमारा सांजेवेळार उसरां पिडेस्त तरणाटेन म्हाड्डोळ पुलिशेंत कागाळ केली. हाका लागून पुलिसांनी दुबाविता आडगुन्यांव नोंद केला. म्हाड्डोळ पुलीस सद्या दुबाविताचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
