भांगरभूंय | प्रतिनिधी
पेडणें: मोरजे सुमार ३५ ते ४० फूट खोल बांयत पडिल्ल्या एका माजराक उजो पालोवपी दळाच्या जवानांनी रेस्कू र्आीपरेशन करून वाटयलें. ही घडणूक समजले उपरांत उजो पालोवपी दळाचे अधिकारी सुनील देसाय हांच्या मार्गदर्शना खाला रोखडोच उजो पालोवपी दळाचो पंगड थंय पावलो.
ही मोहीम येसस्वी जावचे खातीर जवान सहदेव परब, बया वरक हे लॅडराचे मजतीन बांयत देंविल्ले. ह्या कामांत जवान संकल्प शेटये, विराज किनळेकार, संदेश पेडणेंकार तशेंच वाहन चालक शैलेश हळदणकार हांणी वाटो घेतलो.
बांय खोल आशिल्ल्यान थंय ऑक्सीजन उणें आशिल्लें आनी मांजर भियेवन हालचाल करतालें. हाका लागून माजराक वाटावपाचें काम आव्हानाचें जावन गेल्लें. मात जवानांनी धाडसान ही मोहीम येसस्वी केली.
हे येसस्वी बचाव मोहिमेक खातीर अधिकारी सुनील देसाय हांकां सगल्यांनी परबीं भेटयलीं. हे मोहिमे वेळार लोकांनी बरीच गर्दी केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
